“အမေ”(စ/ဆုံး)
———-
“အမေ လိပ်စာမှားပီးဝင်မိတာပါ သားရယ် တဲ့”
တစ်ချိန်တုန်းက မြို့လေးတစ်မြို့မှာ မျက်လုံးတစ်ဖက် ကွယ်နေသော မိခင်တစ်ဦးဟာ သားငယ်လေးတစ်ယောက်နဲ့ တူနေထိုင်လျှက် ရှိပါတယ်။
မိခင်ဟာ မျက်လုံးတစ်ဖက် ကွယ်နေသော်လည်း သားငယ်လေးရဲ့ရှေ့အရေးကို ပူပန်လျှက် ရသမျှ အလုပ်ကို လုပ်ပြီး၊ တစ်ခါတစ်ရံတောင်းရမ်းကာ ရရှိလာသောငွေဖြင့် သားငယ်လေးကို ပြုစုပျိုးထောင်ေ ပးရှာပါတယ်။
သားငယ်လေးသည် ပညာစုံလို့ အချိန်တန်အရွယ်ရောက်လာတဲ့အခါ . . . “တစ်ဖက်လှပ်ရဲ့သား၊ သူတောင်းစား မရဲ့သား”ဟု ပတ်ဝန်းကျင်က ပြောဆိုလှောင်ပြောင်တဲ့ အသံတွေကို ခံစားရသည့်အတွက် မိခင်အပေါ်ကို“သူ့ကြောင့် ငါ အခုလို အပြောအဆို ခံနေရတာ”ဆိုတဲ
အတွေးမျိုးဖြင့် မုန်းမာန်ဖွဲ့ကာ ငြူစူနေတာပေါ့။ဒါကြောင့် “ငါ အိမ်ထောင်ကျတဲ့အခါမှာ သူနဲ့ အတူ မနေဘူး”ဆိုတဲ့ ဆုံးဖြတ်ချက်ကိုလည်း ချထားပါတယ်။
ကျေးဇူးတရား မသိတတ်သော ထိုသားမိုက်သည် အိမ်ထောင်ရက်သာ ကျတဲ့အခါ ကျေးဇူးရှင်မိခင်ကို ပစ်ပယ်လျှက် တစ်နယ်တကျေးသို ဇနီးသည်နှင့်အတူပြောင်ရွှေ့နေထိုင်ပါတော့သည်။
နှစ်ပေါင်း ၆ နှစ်လောက် ကြာသည့်အခါ … မိခင်အိုသည် သားဖြစ်သူကို သတိရလွမ်းစွပ်သောကြောင့် သူ့သားနေထိုင်ရာ အရပ်ဒေသို့ စုံစမ်း၍ လိုက်လာသောအခါ၊သားဖြစ်သူအိမ်သို့ အရောက်တွင် သားဖြစ်သူ ထွက်လာပြီး”ခင်ဗျာ ဘာကိစ္စနဲ့
ဒီကိုလိုက်လာတာလဲ၊ ကျုပ်တို့မိသားစုကို အရှက်ခွဲဖို့ လိုက်လာတာလား၊ ဒီအရပ်ဒေသမှာ ခင်ဗျားလိုလူကို ကျုပ်အမေပါလို့ ဘယ်လိုပြောထွက်မလဲ။ ခင်ဗျား မလာပါနဲ့။ အခုချက်ချင်း ထွက်သွား”ဟု တိရစ္ဆာန်တစ်ကောင်အလား မောင်းထုတ် ပါတော့ပါသည်။
ဒီအခါ မိခင်အိုဖြစ်သူမှာ . . . .“လိပ်စာမှားပြီး ဝင်လာမိတာပါ သားရယ်”ဟု မျက်ရည်စများဖြင့် ပြောဆိုလျှက် သား၏အိမ်ဝကို ကျောခိုင်းကာ ထွက်ခွာသွားပါတော့သည်။
မိမိ၏သားအိမ်းမှန်း သိပါသော်လည်း သားမိုက်က လက်မခံသည့်အတွက် ပြန်လည်ထွက်ခွာသွားရသော မိခင်၏ရင်ထဲမှာ အဘယ်မျှ ကြေကွဲခံစားနေရမည်နည်း ဆိုတာကို ကျွန်ုပ်တွေးတောမိပါသည်။
မိခင်အိုသည် သူနေသောမြို့ကလေးသို့ ပြန်ရောက်ပြီး “လ”အနည်းအငယ်ကြာသောအခါ . . . သားဖြစ်သူမှာ သူ၏သူငယ်ချင်များက ပျော်ပွဲစားတစ်ခုလုပ်ရန် ဖိတ်ခေါ် သောကြောင့် ဇာတိမွေးရပ်မြေသို့ ခေတ္တခဏအလည် ပြန်လာခဲ့ပါသည်။
သားမိုက်သည် . . မွေးရပ်ဌာနေပြန်ရောက်သော်လည်း မိခင်အိုအိမ်သို့မသွား သူ၏သူငယ်ချင်းများနဲ့သာ ပျော်ပါး၍ အချိန်ကုန်နေလေသည်။ သူပျော်ရွှင်နေသာအချိန်ဟာ မိခင်အိုအတွက်နောက်ဆုံးခရီး ဖြစ်နေသည်ဆိုတာကို ထိုသားမိုက် မသိရှာပေ။
ဟုတ်ပါသည် . . . မိခင်အိုမှာ သားကိုသတိရလွမ်းစွပ်သောစိတ်ဖြင့် မစားနိုင် မသောက်နိုင် ဖြစ်လျှက် ရောဂါဝေဒနာများ စွဲကပ်ကာ အိပ်ယာထဲ လဲနေရှာသည်။
သားမိုက်လည်း သူငယ်ချင်းများနှင့် ပျော်လို့ပါးလို့ဝသောအခါ သူ၏မိသားစုဆီကို ပြန်မည့်ဆဲဆဲတွင် သူငယ်ချင်းများက “သူငယ်ချင်း မင်းရောက်နေတာကြာပြီ၊ မင်းအမေဆီလည်း တစ်ခေါက်မှ မသွားပါလား။ မင်းအမေ ကျန်းမာရေးအခြေအနေ မကာင်းဘူးတဲ့။
မင်းအနေနဲ့ မင်းအမေဆီသွားသင့်တယ်။ မင်းမသွားရင် ပတ်ဝန်ကျင်အနေနဲ့ မင်းကို ပြောစရာဖြစ်လာလိမ့်မယ်”စသည်ဖြင့် ဝိုင်းဝန်းပြောဆိုသောကြောင့် မိခင်အိုအိမ်သို့ မလာချင်လည်း လာခဲရပါသည်။
သို့သော် . . . သူ၏လာခြင်းသည် အခါနှောင်းခဲ့ပါသည်။ မိခင်အိုဆုံးပါးသွားလို့ သြင်္ဂိုဟ်ပြီးသည်မှာ သုံးရက်ပင် ရှိသွားပါပြီ။ မိခင်အိုသည် . . . သူမဆုံးခင်မှာ သားအတွက် စာတစ်စောင်ကိုရေးသား၍ ပေးခိုင်းခဲ့ပါသောကြောင့် ထိုစာကို သားမိုက်ဖတ်ကြည့်ရာတွင် . . .
“သို့ . . အမေချစ်ရသော သားရေ။ အမေ့ကြောင့် ငါ့သားကို ပတ်ဝန်းကျင်က တစ်ဖက်လှပ်ရဲ့သား၊သူတောင်းစားမရဲ့သား ဟု ပြောဆိုသံတွေကို ကြားရတော့ ငါသားအနေနဲ့ ရှက်ပြီး ဂုဏ်ငယ်နေမယ်ဆိုတာအမေ သိပါတယ်သားရယ်။ နောက်နောင် ငါ့သားကို တစ်ဖက်လှပ်ရဲ့သား၊သူတောင်းစားမရဲ့သားလို့ အပြောမခံရတော့ပါဘူး သားရယ်။
ဘာကြောင့်လည်းဆိုရင် အမေဟာ မကြာခင်မှာ လူလောကကြီးထဲက ထွက်ခွာသွားတော့မှာပါ။ ဒါပေမယ့် . . . အမေဘာကြောင့်မျက်လုံးတစ်ဖက်လှပ်နဲ့ သူတောင်းစားမဘဝကို ရောက်ခဲ့သလဲဆိုတာကိုတော့ အမေမသေခင် ငါ့သားကိုပြောခဲ့ပါရစေ။
ငါ့သား ၅ နှစ်သားအရွယ်လောက်က ဆော့ကစားတဲ့အခါ ကလေးချင်း ရန်ခိုက်ဒေါသဖြစ်ပြီး တစ်ဖက်ကလေးက အချွန်နဲ့ထိုးလိုက်လို့ သားမျက်လုံး ပေါက်သွားတာကိုမှတ်မိဦးမယ်လို့ အမေထင်ပါတယ်။
အဲဒီလို မျက်လုံးပေါက်သွားတော့ ဆရာဝန်ကို ပြကြည့် တဲ့အခါ ခင်ဗျားသားရဲ့မျက်လုံးတစ်ဖက်က ကုသလို့ မရတော့ဘူး၊ လုံးလုံးကန်းသွားပြီ။ အကယ်၍ ပြန်ကောင်းချင်တယ်ဆိုရင်တော့ မျက်လုံးကို အစားထိုးကုသရင် ရပါတယ် လို့ ပြောတဲ့အခါ . . .
ငါသာ အကန်း ဘဝနဲ့နေမယ်၊ ငါ့သားသမီး အကန်းဘဝနဲ့ မနေစေရဘူး ဆိုတဲ့ မေတ္တာဖြင့် အမေ့မျက်လုံးတစ်ဖက်ကို ဖောက်ထုတ်ပြီး ငါ့သားကို မျက်လုံးအစားထိုး၍ ကုသပေးခဲ့ပါတယ်။
အဲဒီလို မျက်လုံးတစ်ဖက်ကို ဖောက်ထုတ်ပေးလိုက်ရတဲ့အတွက် အမေဟာ တစ်ဖက်လှပ် သူတောင်းစားမဘဝကို ရောက်ရှိခဲ့ရတာပါသားရယ်။
ဘာပဲဖြစ်ဖြစ် အမေပေးတဲ့ မျက်လုံးတစ်ဖက်နဲ့ ငါ့သားလေး လောကကြီးကို မြင်တွေ့နေရသည့် အတွက် အမေအရမ်းကျေနပ်ပါတယ်။ ငါ့သားတို့မိသားစုဘဝလေးသာယာဖြောင့်ဖြူးပါစေ”
ထိုစာ၏အဆုံးအတွင် သားမိုက်သည် အသက်ရှုဖို့ပင် မေ့လျော့နေသည်အလား ကျောက်တိုင်ကျောက်သားကဲ့သို့ အလှုပ်မယှက် ရပ်တံ့လျှက် မျက်ရည်ယိုစီးကာ ရင်ကွဲမတတ် ငိုကြွေးရှာပါသည်။
သားမိုက်သည် မိခင်အိုမရှိတော့သည့်နောက် မိခင်အိုခေါင်းချရာ သူ၏ဇာတိမွေးရပ်မြေသို့ပြန်လည်၍ အခြျေနေထိုင်ကာ၊ နောင်လာနောင်သားများ
မိဘကျေးဇူးကို အထူးသိတတ်စေရန်နှင့် သူလိုမဖြစ် စေရန်သူ့ဘဝ၏အကြောင်းအရာများကို ရေးသားဖော်ကျူးခဲ့ပါသည်။
အားလုံး မိဘကျေးဇူးကို အထူးသိတတ်ကြပါစေ . . . .
#crd_to_owner