ညစာ
ညစာ(ဝတ္ထုတို) တင်ညွန့် ကျွန်တော်တို့သူငယ်ချင်း ငါးယောက် ညစာစားရန် ချိန်းထားကြသည်။ ကျော်သူရသည် အမေရိက ရောက်နေသည်မှာ နှစ်ပေါင်း ၂၀ ခန့်ရှိမည်ထင်သည်။ သူက မြန်မာနိုင်ငံကို ခေတ္တပြန်လာသည်။ သူငယ်ချင်းတွေအတူ ဆုံချင်သည်ဆိုသဖြင့် ကျွန်တော်တို့သည် ရက်တစ်ရက်ရွေးပြီး ညစာ အတူတူစားကြရန် ချိန်းလိုက်ကြသည်။ ကျော်သူရ၊ ခင်မောင်ဆွေ၊ ဌေးလွင်၊ အေးမြင့်နှင့် ကျွန်တော်တို့သည် တက္ကသိုလ်တက်ခဲ့သည့်နှစ်များအတွင်း အတွဲဆုံး သူငယ်ချင်းတွေဖြစ်သည်။ ကျွန်တော်တို့ ငါးယောက်ထဲတွင် ကျွန်တော်က အမွဲဆုံးဖြစ်သည်။ ကျောင်းပြီးသည့်အခါတွင် ကျော်သူရက နိုင်ငံခြားထွက်သွားသည်။ ခင်မောင်ဆွေနှင့် အေးမြင့်က မိဘ လက်ငုတ်လက်ရင်း စီးပွားရေးလုပ်သည်။ ဌေးလွင်က သင်္ဘောလိုက်သည်။ ကျွန်တော်တစ်ဦးတည်း အစိုးရအလုပ်လုပ်သည်။ သူငယ်ချင်းတွေအားလုံး အိမ်ထောင်တွေကျပြီး သားသမီးတွေကိုယ်စီနှင့်ဖြစ်ကုန်ကြသည်။ ကျွန်တော်ကတော့ အဖော်မရှာ တစ်ကိုယ်တည်း လူပျိုကြီးဖြစ်သည်။ ကျွန်တော့်အတွက် ကိုယ်ရသည့်လစာနှင့် ကိုယ်တစ် ယောက်တည်း ရုန်းကန်နေရသည်မှာ အခက်အခဲသိပ်မရှိ။ လောဘမရှိခြင်းကလည်း ကျွန်တော့်ကို အေးချမ်း စေသည်။ ကျော်သူရပြန်လာပြီဖြစ်ကြောင်း ကျွန်တော့်ကို လာပြောသူမှာ အေ...